Чи пěлтерěшлě уяв

Майăн 9-мěшěнче пěтěм раççей халăхěпе пěрле Ěмпěртпе Упнур Туçа ялěсемпе палăк умěнче Аслă отечественнăй вăрçăн çěнтерěвěн 67-мěш уявне паллă турěç. Çěршывăн пěлтерěшлě уявне пěтěм ял-йыш пуçтарăннă. Митинга Ěмпěрт Туçа култьтура учреждени заведующийě Васильева Елена уçрě. Тавăшкасси ял поселени пуçлăхě Александрова Галина уява пухăннисене чун-чěререн саламласа вăрçă участникěсене парнесем парса чысларě. Вăл çак çěнтерěве мěнле хакпа çывхарни тата Ěмпěрт Туçапа Упнер Туçаран мěн чухлě амăшě хăйсен ывăлěсене тата хěрěсене вăрçă хирěнчен кěтсе илейменнисем çинчен, тылра юлнă ачасемпе хěрарăмсем паттăрла ěçěсем çинчен асăнчě. Вăрçă хирěнче салтаксене асăнса палăк умне шкул ачисемпе ветерансем чечек çыххисемпе веноксем хучěç. Ветерансемпе вăрçă участникěсем тата пуçтарăннă хăнасем тулли кěреке хушшинче пěр-пěрине ăш сăмахсем каласа саламларěç. Уяв Упнер Туçари культурă çурчě хатěрленě концертпа вěçленчě.